رقاق باللحمه المفرومه:
.
.
.
.
المقادير:
-12 قطعه رقاق.

-نصف كيلو لحمه مفروم احمر.

-2بصله متوسطه مفرومه جيدا.

-ملح وفلفل اسمر حسب المذاق (2ملعه ملح صغيره,1ملعقه فلفل اسمر صغنونه برده).

-سمن او زبده ولا يستبدل بالزيت فى تلك الوصفه .

-1 ليتر شوربه ساخنه اي نوع شوربه.

- صنيه مستديره لعمل الرقاق.


الطريقه :


-الاول نعمل اللحمه المفرومه تتعصج وهقول ازاي نجيب البصله المفرومه نشوحها مع ملعقه سمن بلدي كبيره حتي تصبح لونها اصفر دهبي كده ماشي ونضيف اللحمه و نقلب فيها ونحط الملح والفلفل وجوز الطيب ان وجد ونتركها لحد متسوتي بتاع ربع ساعه بس .

--نجيب الصينية اللي هانعمل فيها الرقاق وندهنها بالسمن

-نسخن نوع الشوربه الموجود عندنا

-نمسك الرقاق و نغطس أول واحد في الشوربه من غير ما تلين و نحطها في الصينية و ندهنها بالسمنة أو نقطع عليها قطع صغيرة من الزبدة و بعدين نعمل طبقات تانية من الرقاق بنفس الطريقة حوالي 6طبقات و نفرد فوقه طبقة من اللحم المعصج و بعدين نحط فوقه طبقات تانية من الرقاق بنفس الطريقة ( نسقيه بالمرقة و نحطه و بعدين ندهنه بالسمنة) لحد ما نعمل برده 6 طبقات و ندهن الوش بالسمنة جيدا
هناك طريقتين لتسويه الرقاق
الأولى : للى بيحبها محمصه يدخلها الفرن الى ان يحمر وجهها

الثانيه : للى بيحبها طريه زى الفطير المشلتت يسويها على البوتجاز من فوق على نار منخفضه مع التحريك الميتمر وعندما ينضج اول وجه يقلب على غطاء حله كبيره ثم تدهن صينيه التسويه من جديد بالسمن وتقلب عليها الرقاق برفق وتكرر عمليه التسويه للوجه الأخر على نار منخفضه ايضا .تم تقطع وتقدم بجانب اللحم المسلوق والف هنا وشفا