.قالب الكريم كراميل
المقادير
6 ملاعق كبيرة سكر*3 كوب لبن*6 بيضات*6 ملاعق كبيرة سكراخري
2 باكو فانيليا
"الطريقة"
بالنسبة للكراميل
نسيح السكر المقدار الأول ال٦ ملاعق علي نارهادية لحد ما يصل لونه للذهبي الغامق
اما باقي المقادير نضربها مع بعض في الخلاط
.
وكده يكون خلاص الكريم كراميل جاهز للتسوية
لو تحبوا تعملوه في اطباق صغيرة بتاعة الفرن ماشي
و لو مافيش اطباق صغيرة ممكن في صينية فرن تكون مناسبة
نحط السكر المحروق في الصينية و نفرده كويس بالتساوي
و بعدين نحط الخليط اللي ضربناه في الخلاط فوق السكر المحروق
و نجهز صينية اكبر يكون فيها ماية سخنة و نحط فيها صينية الكريم كرامل او الاطباق الصغيرة
و نسيبها في الفرن علي درجة حرارة 180 (متوسطة) لمده ساعة الا ربع
و لما يبرد نحطه في التلاجة
و وقت التجهيز تحط الصينية علي النار دقائق علشان السكر يفك
و لما نحس انه فك خلاص تقلبه علي طبق التقديم
وبالهنا و الشفا
ليست هناك تعليقات:
إرسال تعليق