.
.
.
مبدأيا خلونا نتفق ان اللى ببيخرب العجينه وبيخليها معجونه انكم بتحطوا الحشو عليها وهى عجينه ...شوفوا بقى يا حلوين انا هعمل قواعد البيتزا وهسويها لوحدها الأول وبعد كده نبدأ نفنن
مقادير العجينه :
ا ك دقيق عادى
كيس خميره فوريه
كوب زبادى
بيضه
نصف كوب زيت دره
معلقه ونصف ملح
2 معلقه سكر
معلقخ زعتر ناشف
ماء للعجن وممكن لبن زى ما تحبى انا بعملها بماء مضاف له 3 معالق لبن بودر
الطريقه
ضيفى النواشف كلها على الدقيق وضيفى الزيت وافركيه فى العجينه وبعده الزبادى وبعد كده ضيفى الماء حتى تعجن ( طبعا مش كل دقيق بياخد ماء زى التانى علشان كده محطنش مقدار )
سيبيها ساعتين تلاته تتخمر بهد تغطيتها فى مكان دافء
المقدار السابق بيعمل 6 قواعد بيتزا وسط لو 4 كبير بتقسمى العجينه لكور وتبدأئى تفرديها بالنشابه بسمك لا يزيد عن نصف سم وتخرميها يالشوكه وعلى الفرن عدل بتاخد عشر دقايق على درجه 150 وخرجيها ترتاح وتعالو ا نعمل الصوص
مقادير الحشو والزخرفه
كيلو الا ربع لحمه مفرومه
2 بصله كبيره
6 فص ثوم كبير
ريحان وزعتر وملح وفلفل
2 فلفل رومى
علبه صلصه
الطريقه
نحمر البصل المقطع قطع صغيره ونضيف له اللحمه ونشوح شويه ونضيف عليهم الفلفل الرومى والزعتر والريحان والثوم ونضيف الصلصه و2 كوب ماء
بعد ما تغلى شويه اطفى عليها ولازم تسيبى فيها شويه صوص يعنى متبقاش ناشفه
ودى طعمها بالظبط طعم السجق البلدى
التزين
فلفل الوان مقطع هلالات
بصل مقطع هلالات ضرورى طعمه جنان مع البيتزا
زيتون قطع
مشروم
طماطم مكعبات
جبنه بارميزان او رومى قديمه وممكن قريش بتبقى حكايه والله
كده خلصنا
هتجيبى القواعد هتحطى اللحمه بالصوص بتاعها وفوقها بقى احلى طما طم قطع وفلفل وبصل هلالات وزيتون ومشروم وغطيها باللجبنه وعلى الشوايه عدل 3 دقايق متكتريش لحد ما تسيح الجبنه ....وابقوا ادعولى بقى لأنكم مش هدقوا بيتزا فى حياتكم اجمل منها
ملحوظه: لو بقيت قاعده او اثنتان لفى فى كيس نايلون وعلى الفريز عدل هتنفعك فى يوم تكونى جايه متأخره او عشاء بدون مجهود
مع تحياتى
ليست هناك تعليقات:
إرسال تعليق