جيرسى شوكلت
المكونات
150 جرام سكر بودره
2 بياض بيض
150 جرام عسل جلوكوز...(يستبدل بعسل نحل فى حاله عدم وجوده)
300 جرام جوز الهند ناعم
باكيت فانيليا
ربع كيلو شيكولاته
معلقتين كبار زيت
الطريقه
الشوكولاته والزيت تذوب فى حمام ماء ساخنه وهتكون دى طبقه الشيكولاته تقدرى كمان تسيحيها ميكرويف لو عندك
بالمضرب الكهربائى
يوضع السكر البودره مع بياض البيض لمده 10 دقائق على السرعه العاليه لحد مايتكون معاكى مارينج بعد كده هتضيفى عسل الجلوكوز مع الضرب بعد كده هتضيفى الفانيليا وجوز الهند وبعد كده هتلاقيها تجانست مع بعضها هتاخديها وتفرديها رولات او الشكل اللى انتى بتحبيه تقدرى كمان تفرديها فى صينيه مدهونه زيت وهتلاقيها سهله التشكيل جدا وتضيفى عليها صوص الشيكولاته وبعد كده تقطعيها وتدخليها الثلاجه عشان الشيكولاته تشد تقدرى كمان تعمليها على شكل كرات وتغطسيها فى الشيكولاته وبالهنا والشفا
ليست هناك تعليقات:
إرسال تعليق